أحمد عرابى

موضوع: أحمد عرابى 3/23/2010, 5:50 am

[center]
احمد عرابى ، اسمه بالكامل أحمد محمد عرابى محمد وافى محمد غنيم عبد الله ، اتعرف كمان بإسم " عرابى باشا " ( هرية رزنة ، الشرقيه، 1 ابريل 1841 - القاهرة ، 21 سبتمبر 1911 )، زعيم و عسكرى وطنى مصرى و من اكبر رموز الوطنيه المصريه. اتعرف بكراهيته لسيطرة الشركس على الجيش المصرى.
شق طريقه بنفسه و بجهده من مجرد فلاح فى قريه مصريه بسيطه لمنصب ناظر الجهاديه ( وزير الحربيه ) من غير ما يتخرج من مدرسه عسكريه فى وقت كان الظباط الشراكسه من ولاد الذوات و الباشاوات مسيطرين على الجيش.
اختاره الظباط المصريين عشان شجاعته و وطنيته زعيم للجيش و متكلم باسمه ، فكان أول زعيم مصرى من أصل فلاح فى العصر الحديث. اصدر عريضه فيها اربع مطالب من ضمنها مساواة كل الموظفين بصرف النظر عن الجنس و الدين و المذهب.
قاد الثوره اللى اتعرفت بـ " الثوره العرابيه " فى عهد الخديوى توفيق ، لكن فشلت و انتهت باحتلال الانجليز لـ مصر (1882). اتقدم لمحكمه عسكريه اترأسها محمد رؤوف و اتحكم عليه بالاعدام لكن الحكم اتبدل بالنفى لسيلان (سريلانكا دلوقتى ). رجع مصر بعد 19 سنه نفى.
من كلامه المشهور قوله للخديوى توفيق : " لقد خلقنا الله أحرارا، ولم يخلقنا تراثا أو عقارا ".
وصفه المفكر سلامه موسى بقوله : " و ليس فى تاريخ مصر، منذ أكثر من الفى سنة، من خدمها بروح الشرف و الوطنية مثل عرابى "

[/center]